Gjithcka nisi ne 2005, duke menduar te jetuarin ketu, duke menduar nje te tashme dhe te ardhme ne Shqiperi. Ne jemi te sigurt se Shqiperia eshte nje vend i mrekullueshem qe te ofron mundesi te shumta pune dhe jetese dhe se nuk eshte patjeter e nevojshme te shkohet jashte Shqiperise per te punuar dhe jetuar. Mbeshtetim fort idene se duhet te jemi ne vete qe ndertojme nje Shqiperi te bukur duke punuar dhe jetuar ketu.

Menduam te krijonim dicka ne vete, vendosem te mikpresim ne shtepite tona turistet e huaj te interesuar te njohin kulturen Shqiptare, traditat, Shqiperine dhe Shqiptaret. Me kontributet e mbledhura nga mikpritja, te financonim studimet tona.

Mijera te rinj studjojne jashte, shume e shume te tjere punojne jashte, ne nje kohe kur shqiperia jone ka nevoje per ta, ka nevoje te ndertohet. Shume te rinj mendojne se ketu nuk ka te ardhme, se ketu nuk ka vende pune, se shqiperia eshte e varfer, nderkohe qe shqiperia eshte shume e pasur, por duhet te jemi ne ata qe e vleresojme, qe nxjerrim ne pah vlerat dhe pasurite e saj, duhet te jemi ne ata qe krijojme dhe ndertojme te ardhmen ketu, qe ndertojme shqiperine tone.

Shqiptaret jane njerez te mrekullueshem, te ndershem, punetore dhe shume mikprites dhe ne duam pikerisht t'iu tregojme te huajve vlerat tona, Shqiptaret dhe Shqiperine e vertete.
Keshtu lindi website: Bathorebeach.net.
Ne veren e 2006-tes kemi pritur rreth 80 turiste, duke i mikpritur ne shtepite tona dhe duke i shoqeruar me shume kenaqesi per te vizituar Shqiperine tone. Shume gazeta dhe media italiane kane folur per inisiativen tone, por jo vetem italiane, edhe ato shqiptare, nje nder eshte edhe News 24 Tv, duke e dhene si shembull se si mund te krijojet dhe behet dicka nese do vertet qe ta besh duke vleresuar mundesite qe te jepen.Dhe me pas nga BathoreBeach (i quajtur keshtu ne menyre simbolike), kaluam ne VIVAlbania.net

Vendosem qe ta zgjeronim projektin tone duke perfshire edhe te rinj te tjere qe e mendojne dhe vleresojne shqiperine ashtu si ne, dhe qe impenjohen per te permbushur objektivin e tyre te punes duke ndjekur nje rruge formimi, shkollen apo fakultetin perkates. Me VIVAlbania.net ju propozojme dhe ofrojme mundesine e njohjes se fytyres se vertete te ketij vendi te mrekullueshem nepermjet njerzve, traditave, zakoneve, historise, kuzhines, aromave dhe natyres se mrekullueshme.
Te gjithe te rinjte flasin gjuhen italiane dhe kjo ben qe komunikimi dhe njohja te jete shume e thjeshte. Jane nje grup te rinjsh shume te lidhur me njeri-tjetrin dhe qe duan te gjithe se bashku te permbushin objektivat e tyre. I gjithe projekti koordinohet nga Erjona Shahini (studente ne universitetin e Tiranes).
Ne shkembim te mikpritjes dhe udhetimit ne kulturen dhe natyren Shqiptare, kerkohet nje kontribut i cili perdoret per te mbuluar pjesen e munguar te shpenzimeve per perfundimin e procesit te formimit. Nje pjese e kontributit shkon per te finacuar rritjen e VIVAlbania, e drejtuar drejperdrejt nga ne te rinjte.
Kete vit projekti starton me 14 te rinj, te gadshem per te dhene maksimumin per veten e tyre dhe per ju!!!
UDHETIM TE KENDSHEM TE GJITHEVE ME VIVALBANIA!!!